Vieiros

Vieiros de meu Perfil


Edición xeral

RSS de Edición xeral
Voz galega desde Chiapas (7)

Zanculitos zapatistas

Iván Prado, de Pallasos en Rebeldía, escribe desde Chiapas.

Redacción - 09:30 05/01/2008

Moitos son os nomes desta xente pero moitos máis son os apodos divertidos e creativos que impoñen á realdiade cotiá para non caer na tristuraa que os aniquile.

Zanculitos e zanculotes son os apodos que naceron no obradoiro de zancudos. Tomando a cancha nun tempo récord temos a toda a xente montando zancos. Incluso o compa D. que non quería subir por medo, acabou armándose de valor e tomando os zancos polos cornos.

Basket ball en zancos e con palicates, acrobacias rebeldes e cancións creadas polo propios compas son as grandes actividades destes días, xunto os malabares e os ensaios de clown.

Se algo achega esta xente como ningunha outra é o entusiasmo e o traballo, os zancos apréndenos en cousa duna hora, os xogos e media e os malabares en poucos minutos. Teñen unha disposicón ao traballo e á aprendizaxe incrible.
Agradecen todo con esforzo e milleiros de risas. Se caen dos zancos rin, se alguén lles da un golpe morren da risa, pasan o día cantando as cancións que inventamos xuntos e calquera cousa é motivo de celebración.

Un non pode deixar de namorarse desta xente que, perseguidos, maltratados e nalgún caso asesinados, en ningún momento responden con odio nin furia: “intentaron matarnos, pero somente feriron ao compa e alí segue na comunidade, non pasou nada” esa é unha frase destes días.

Nós, mentres, seguimos coa formación dos pallasos convencidos de que neste pobo xurdirá unha fermosa flor de esperanza e tamén de que a risa aquí alcanza un sentido pleno e liberador.

Crónicas anteriores


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: