Vieiros

Carod Rovira, vicepresidente da Generalitat, está en Edimburgo para entrevistarse co primeiro ministro escocés, Alex Salmond. O obxectivo da reunión é intercambiar información e experiencias, sobre todo as relacionadas coa celebración dos referendos de autodeterminación que ambos proxectan celebrar na vindeira década (2010 en Escocia, 2014 en Cataluña).

Salmond explicaralle a Carod as bases do documento presentado polo seu goberno (Choosing Scotland's Future) para conducir o proceso independentista. O texto explica que a mellor maneira de acadar democraticamente a independencia é a través de dous referendums: un para autorizar o goberno escocés a negociar un acordo con gobern do Reino Unido e outro para corroborar a decisión de Escocia de ser independente, que sería o referendo de independencia propiamente dito. O goberno escocés abriu o pasado mes o chamado "diálogo público" (national conversation) para avanzar cara á independencia.

Pola súa banda Carod informará a Salmond sobre as competencias de Cataluña en inmigración, sobre a potestade do president da Generalitat de convocar eleccións, sobre a constitución da Axencia Tributaria de Cataluña e sobre o modelo de televisión pública catalán.