Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
NO CCCB, VENRES 18 DE XANEIRO

María Xosé Agra fala sobre o contrato sexual nun ciclo de teoría política feminista

No abril está prevista a intervención de Marta Lois, tamén da Universidade de Santiago de Compostela.

Redacción - 20:30 16/01/2008

A intervención de M. Xosé Agra encádrase nun ciclo anual organizado polo Institut de Ciències Polítiques i Socials no que recoñecidas especialistas do Estado español revisan textos clásicos da teoría política feminista, desde Mary Wollstonecraft deica Sheila Jeffreys. Entre outras interviñeron, ou van intervir: Rosa Cobo, da Universidade da Coruña, Fina Birulés, M. Jesús Izquierdo, Encarna Bodelón e Marta Lois, profesora na Facultade de Ciencias Políticas da Universidade de Santiago de Compostela, para falar sobre as contribucións de Iris Young.

María Xosé Agra, que preside a comisión de igualdade do Consello da Cultura Galega e é profesora de Filosofía na universidade compostelá, foi a autora do estudo que abre a edición en español d’O contrato sexual de Carole Pateman publicado por Anthropos. O libro de Carole Pateman converteuse de seguida nun dos textos fundamentais da teoría feminista das últimas décadas. Entre os seus traballos recentes cómpre destacar a súa participación en Veinte pensadoras del siglo XX ou o seu artigo sobre "Ciudadanía, feminismo e globalización" para a revista dixital brasileira Labrys.

María Xosé Agra
"Carole Pateman: El contrato sexual"
Venres 18 de xaneiro de 2008 ás 17:00

Marta Lois
"Iris Young: La justicia y la política de la diferencia"
Venres 18 de abril de 2008 ás 17:00

Ciclo de lecturas de Teoría Política Feminista
Org. Institut de Ciències Polítiques i Socials, UAB

CCCB. Pati Manning
c/ Montealegre, 7 – 08001 Barcelona

Asistencia restrinxida.


Ligazóns

5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: