Vieiros

Vieiros de meu Perfil


Fwwwrando

RSS de Fwwwrando
REXISTRO DE PATENTE

Microsoft desenvolve un sistema para controlar a resposta dos traballadores

O software controlará, mediante sensores, distintos parámetros do estado físico dos empregados para detectar situacións de estrés.

Redacción - 10:05 20/01/2008

O interese das empresas por controlar a produtividade dos seus traballadores pode dar un paso adiante se ten éxito unha tecnoloxía que pretente patentar Microsoft. A empresa solicitou rexistrar un software que vixiará constantemente os empregados mentres se atopan diante do ordenador.

O sistema, segundo informa The Times, estará composto por uns sensores sen fíos que medirán o ritmo cardíaco, a presión sanguínea, a temperatura, os movementos e a expresión facial do traballador, e servirá para detectar a frustración ou o estrés do usuario e "ofrecer a axuda necesaria".

Grupos de liberdades civís xa amosaron o seu rexeitamento ao sistema, até agora só utilizado en pilotos ou en astronautas, e que supón "unha intrusión en todos os aspectos da vida dos empregados", explicou Hugh Tomlison, avogado británico.

Segundo The Times, a Oficina de Patentes dos EUA confirmou a publicación da solicitude da patente, presentada hai xa un ano e medio, e que podería ser concedida dentro doutros doce meses


1.67/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: