Edición xeral
Galiza-Norte Portugal, unha realidade agora tamén xurídica
Un decreto estatal que vai aprobar o Consello de Ministros permitirá que a eurorrexión teña personalidade legal de seu.
Pérez Touriño, esta quinta
O presidente do Goberno, Emilio Pérez Touriño, anunciou esta quinta feira que o Consello de Ministros deste venres vai aprobar un decreto que posibilitará a creación da Agrupación de Cooperación Territorial entre Galiza e o Norte de Portugal, o que na práctica lle permitirá "dotar de personalidade xurídica a eurorrexión".
Na conferencia de prensa posterior ao Consello da Xunta, Touriño explicou que Portugal aprobou recentemente un decreto similar, e amosouse convencido de que "con carácter inmediato" se creará a Agrupación, a primeira que se constitúe en toda Europa.
"Vai ser a dotación xurídica da vida da eurorrexión", destacou o xefe do Executivo, que tamén explicou que esta figura institucional vai permitir reforzar a xestión conxunta dos fondos europeos, así como a busca de fontes de financiamento distintas, funcionando "coma unha auténtica axencia".
Novas relacionadas
- Touriño só leva a Caride e Sánchez Piñón á cimeira de Braga
- Co desembarco na oposición chega a sintonía de PPdeG e PSD arredor da eurorrexión
- O MDL pídelle ao goberno portugués que apoie a introdución dos medios lusos
- O tren rápido a Portugal incrementará o PIB en máis do 1%
- A eurobilla abre para a alta velocidade Vigo-Porto
- Construíndo futuro: outra oportunidade para o patrimonio
Comentarios (7)
Galiza atopa a Galiza...Boas Novas!
As leis da autonomía galega e as do estado portugués pónse dacordo coa etnicidade e coas hsitóricas relacións económicas en común.Xa era hora !!!
Dada a "liña" de Vieiros, bótase en falta máis iformación sobre este tema: prazos, responsables, dotación económica... En fin, que nos resuman e remitan ao decreto. Supoño todo isto se fará cando se aprobe. Parabéns pola construción da unión dos pobos.
A Galécia caminha, embora lentamente, para a reunificação. Como dizem os brasileiros, «está chegando a hora».
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto