Vieiros

Vieiros de meu Perfil


Edición xeral

RSS de Edición xeral
Acto conxunto de mulleres do BNG

A belixerancia contra o aborto "frea os dereitos das mulleres"

As investigacións abertas a varias mulleres en Barcelona supoñen "un enorme retroceso para a sociedade", laiouse Rosario Fernández Velho,secretaria de Acción Feminista do BNG.

Redacción - 14:15 18/01/2008

"A lexislación actual fai enormes concesións cos sectores reaccionarios que seguen limitando o dereito a decidir", criticou a responsábel de Acción Feminista da executiva do Bloque. Rosario Fernández Velho avanzou que no primeiro treito da próxima lexislatura, o BNG vai levar ao Congreso unha proposición non de lei para a "despenalización do aborto". Fernández Velho lembrou o "compromiso rotundo e histórico" dos nacionalistas neste sentido, e defendeu a necesidade de que se aprobe unha lei de prazos que regulamente a interrupción voluntaria do embarazo.

Así, o BNG solicitará que a rede sanitaria pública preste o dereito ao aborto "con todas as garantías", incluíndo o apoio psicolóxico posterior. "Non se pode obviar a carga emocional que supón o aborto para as mulleres", sinalou. Ademais, as nacionalistas propoñen que se introduzan de forma paralela medidas educativas e que se lle facilite "sempre" a pílula poscoital ás mulleres cando a pidan.

Ao respecto das citacións xudiciais enviadas a mulleres por abortar e que son actualidade recente, o BNG esíxelle ao goberno español a apertura dunha investigación que determine se implica "unha vulneración do dereito á intimidade". Rosario Fernández Velho estivo acompañada durante a súa comparecencia pola directora xeral de Fomento e Calidade da Vivenda, Encarna Otero, quen nun artigo en Vieiros anunciara esta semana a súa autoinculpación en solidariedade coas mulleres acosadas xudicialmente. Á beira, estiveron tamén no acto a secretaria xeral de Igualdade, Carme Adán; Ana Luísa Bouza, directora xeral do Servizo Galego de Igualdade; Ana Pontón, deputada no Parlamento e Iria Aboi, secretaria xeral de Galiza Nova.


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: