Vieiros

Segundo publica este domingo o Diário de Notícias, o feito de que os parques industriais de Galiza "están totalmente ocupados" e debido aos "prezos máis atractivos" que ofrece Portugal está a provocar que o sector do automóbil do noso país se instale "con forza" no municipio de Valença.

Está situación está a provocar que doutro lado da raia a oferta de predios se estea a limitar. Neste senso, o alcalde de Valença, José Luís Serra, afirma que o problema vai ser solventado e mesmo "potenciado" coa posta en marcha este ano da plataforma loxística de Valença, ao carón do parque empresarial, o que vai converter a Viana do Castelo nunha "rexión moi atractiva no futuro" para Galiza.

Dos novos investimentos salientan o do grupo Dayco-Ensa, unha empresa de produción de compoñentes para automóbiles. Está previsto que esta compañía con sede en Vigo instale unha segunda unidade fabril no polígono ao longo de 2008, sinalan no xornal portugués.