Vieiros

A Asociación de Escritores en Lingua Galega (Aelg) solicítalle á administración competente o inventariado e catalogación do patrimonio documental do Instituto Galego de Información, para a súa posterior declaración como Ben de Interese Cultural.

Para a AELG, a declaración como Ben de Interese Cultural do rico patrimonio documental depositado no seu día no Laboratorio de Formas, suporía a "salvagarda, garante e preserva do ideario fundacional dun proxecto nacional, testemuña dun tempo histórico de cuxas fontes se alimentan moitos proxectos actuais, no que se implicaron Luis Seoane, Isaac Díaz Pardo, os nosos exiliados e os traballadores da cultura da nosa emigración".

Estes fondos documentais poderán verse na propia sede do IGI nunha exposición que se inaugurará este martes pola tarde ás oito da tarde.