Vieiros

Vieiros de meu Perfil


Máis Alá

Xestionado por Vieiros
RSS de Máis Alá
18 DE FEBREIRO

Bloguear e encher: xuntanza de bitácoras enogastronómicas

Os especialistas no viño e na boa comida reuniranse no Pazo de Congresos da capital do país coincidindo co Fórum Gastronómico.

Redacción - 09:00 23/01/2008

Os blogueiros especializados no bo comer e no bo beber reuniranse o 18 de febreiro en Compostela no primeiro encontro de blogueiros enogastronómicos, que se vai desenvolver no marco do Fórum Gastronómico Santiago'08. A cita será de catro a oito da tarde no Pazo de Congresos e Exposicións e contará con dúas sesións de traballo e un coloquio.

Para poder participar é condición indispensábel ter un blog en que se fale de gastronomía ou de enoloxía, aínda que eses non sexan a súa única temática. Os blogoenogastrónomos poderán, deste xeito, asistir ao Fórum Gastronómico de balde cunha acreditación de prensa.

O programa abrirao ás catro da tarde Manuel Gago, director de CulturaGalega.org e profesor asociado da Facultade de Ciencias da Comunicación da USC. Presentará a primeira sesión de traballo, sobre últimas tendencias na internet gastronómica. A partir das cinco e media, desenvolverase un diálogo sobre as crónicas enogastronómicas a cargo do blogueiro Carlos Maribona, o presidente da Academia Española de Gastronomía, Rafael Anson, e o crítico gastronómico de El Periódico Pau Arenós. Moderará Pep Palau. A segunda sesión de traballo, sobre novas fronteiras entre o dixital e a gastronomía, presentada pola profesora da Universidade de Vic Irene García Medina, clausurará a xornada.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: