Vieiros

Vieiros de meu Perfil


Edición xeral

RSS de Edición xeral
REXEITAMENTO NA REDE

O PP do Grove propón un rexistro obrigatorio de blogueiros

A concelleira Diana Otero pide medidas contra as bitácoras, un ano despois de que se presentasen denuncias contra bitácoras do Salnés.

Redacción - 13:45 23/01/2008
Portada de 'Cousas do Grove', blog denunciado hai un ano polo PP

Portada de 'Cousas do Grove', blog denunciado hai un ano polo PP

O Partido Popular do Grove volveu arremeter contra os blogueiros. Un ano despois de ter emprendido unha acción xudicial contra dúas bitácoras da localidade e mais de Cambados por considerar ofensivos os seus contidos, a concelleira popular Diana Otero sacou á palestra unha proposta de regulación. A edil pide que se constitúa un rexistro para os editores de blogs onde se recolla o seu documento de identidade para que se poidan facer responsábeis dos seus contidos.

Segundo Diana Otero, así evitarase que os blogueiros queden "impunes" e poidan ser denunciados polas "vítimas". Ademais, o PP grovense cualificou de "covarde" a actitude dos editores dos blogs "e plataformas informáticas de linchamento das persoas que non pensan igual ca eles". O blogomillo xa está a reaccionar contra esta proposta, por considerar que recorta a liberdade de expresión na rede.


Ligazóns

1.33/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: