Vieiros

Vieiros de meu Perfil


Edición xeral

RSS de Edición xeral
A propiedade ía ser adxudicada de inmediato

As fillas de Oubiña paralizan a venda do Pazo de Baión

Deteñen temporalmente o proceso mediante un recurso ante o Tribunal Europeo dos Dereitos Humanos, alegando que podería lesionar os seus dereitos como posíbeis herdeiras.

Redacción - 13:45 29/01/2008
Pazo de Baión, en Vilanova de Arousa

Pazo de Baión, en Vilanova de Arousa

As dúas fillas do narcotraficante Laureano Oubiña conseguiron deter temporalmente o proceso de venda do Pazo de Baión presentando un recurso ante o Tribunal Europeo dos Dereitos Humanos, detendo a sentencia que decretou a incautación deste inmóbel coa alegación de que a venda podería lesionar os seus dereitos como posíbeis herdeiras.

As dúas mozas presentaron o recurso o pasado 25 de xaneiro. Amparándose no artigo 39 do Regulamento do Tribunal de Estrasburgo. A acción levada a cabo polas fillas de Laureano Oubiña e Esther Lago obrigou a aprazar a mesa de adxudicacións do Plan Nacional sobre Drogas que o martes 29 tiña previsto abrir os sobres das catro propostas presentadas para mercar o Pazo de Baión (Freixenet, Izagui, Condes de Albarei e Martín Códax).

Este Pazo está situado na localidade arounsá de Fontán, e rodeados dunha ampla zona dedicada ao cultivo de viñedos. Entre xaneiro de 1995 o pazo foi intervido xudicialmente e o xuíz Garzón embargouno en 1999 xunto co resto de patrimonio dos Oubiña para executar a débeda de 15 millóns que o matrimonio arrastraba dende que foron condenados polo caso Nécora no 94.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: