Vieiros

As decisións xudiciais arredor do complexo do Monte Gaiás semenllan ser cando menos dubitativas. Logo de que en novembro de 2007 o xulgado número un de Compostela arquivase unha denuncia por prevariación e malversación presentada polo ministerio público, agora cambian as tornas. O motivo é que a maxistrada coida que as conclusións parlamentarias dan para, cando menos, reabrir a investigación.

A xuíza santiaguesa atende así a petición do fiscal e dunha militante da CIG, Mar Peteira, que recorreron no seu momento o arquivo das pesquisas. O ministerio público cre que hai indicios suficientes para que se abra un proceso penal. As principais irregularidades terían que ver coa adxudicación das obras e coa reforma de contratos durante os gobernos de Manuel Fraga.