Vieiros

O folk norteamericano domina os escenarios galegos este xoves. En Pontevedra, Sid Griffin, máis clásico, case unha lenda do rock norteamericano, abre o ciclo Vangardas Sonoras na Fundación Caixa Galicia da cidade. O concerto comezará ás nove da noite. Sid Griffin foi líder da mítica banda The Long Ryders, que entre 1983 e 1987 publicou catro álbums moi influenciados por Gram Parsons e os The Flying Burrito Brothers.

En Compostela inaugúrase a extensión de Sinsal, que nas vindeiras semanas ofrecerá tres concertos de músicas de vangarda. Matt Valentine & Erike Elder with The Golden Road son os cabezas do cartaz, e estarán precedidos polos galegos Igloo, que continúan presentando o seu álbum homónimo, e o EP Una luz de estilo glacial. Será no Salón Teatro, a partir das dez da noite e a dez euros a entrada.