Vieiros

Vieiros de meu Perfil


Máis Alá

Xestionado por Vieiros
RSS de Máis Alá
SÁBADO 2, NO CENTRO TORRENTE BALLESTER

Toda unha 'Ultranoite' en defensa da Ría de Ferrol

O habitual espectáculo da Sala Nasa viaxa cara ao norte, en dirección a Trasancos, con Reganosa de fondo.

Redacción - 08:43 01/02/2008

Este sábado 2 de febreiro, ás oito e media da tarde, o centro sociocultural Torrente Ballester de Ferrol acollerá o espectáculo colectivo Ultranoite en defensa da Ría, producido por Arredemo e Burla Negra, co obxectivo de homenaxear os veciños de Meá e ao Comité Cidadán de Emerxencia, e para denunciar novamente a presenza da planta regasificadora de Reganosa no interior da Ría de Ferrol "contra os intereses da cidadanía e do ben común".

O espectáculo contará coa participación de Chévere (Mónica García, Miguel de Lira e Xesús Ron, entre outros), Carlos Santiago, Espido (Guadi Galego e Guillermo Fernández), o Mago Romarís, Os da Ría, Clara Gayo, A Caricia da Serpe (Lino Braxe e Rómulo Sanjurjo), Volta e Dalle (Pepe Penabade e Comba Campoy, entre outros), o colectivo de circo Pista Catro, Rebeca Montero, e os músicos Bernardo Martínez, Xoan Piñón, Xaquín Blanco, Suso Alonso e Xabier Olite, e coa actuación das cantareiras e cantareiros de Meá.


4.67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Cartaz da Ultranoite
Cartaz da Ultranoite