Vieiros

Vieiros de meu Perfil


Edición xeral

RSS de Edición xeral
Presión de Amnistía Internacional

O goberno español ten sen asinar o Convenio Europeo de Loita contra a Trata de Persoas

Principalmente mulleres, son captadas e traídas por persoas, grupos de delincuentes ou redes criminais organizadas a través de engano, ameazas ou coacción.

Redacción - 10:10 03/02/2008

Non existen datos fiábeis do alcance real deste tipo de violacións dos dereitos humanos que desde Amnistía Internacional cualifican como "unha das formas máis crueis de violencia de xénero e unha nova forma de escravitude". Mulleres de entre 18 e 25 anos chegadas de Brasil, Bulgaria, Colombia, Ecuador, Ucraína, Rusia e Romanía son as vítimas máis habituais.

A prostitución, o servizo doméstico, o agro, hostalaría, construción ou obradoiros clandestinos por exemplo no sector téxtil son algúns dos destinos detectados. Alén da violencia física en moitas ocasións as redes que promoven este tráfico de persoas usan tamén da ameaza de represalias contra os seus parentes como forma de garantir o silencio e submisión destas persoas.

Este venres entrou en vigor o Convenio Europeo contra a Trata de Seres Humanos, que pretende ser un chanzo máis cara á protección das persoas vítimas destas prácticas no continente europeo. De momento, 37 países do Consello asinaron este acordo e 13 xa o ratificaron. Un dos que non o fixo é o Estado español, malia telo prometido hai xa dous anos. A Rede Española contra a Trata de Persoas, constituída en marzo do 2006 e integrada por 24 Organizacións Non Gobernamentais e organismos que traballan na loita contra a trata de persoas, avisa de que é urxente o compromiso da administración, xa que o Estado español é un dos principais países de tránsito e destino da trata en Europa.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: