Feijoo aproveita un acto en Venezuela para tildar o bipartito de "aberración democrática"
Anunciou que os conservadores levarán unha proposta no seu programa para reformar a lei e garantir que goberne a forza máis votada.
O presidente do PPdeG, Alberto Núñez Feijoo, aproveitou a súa estancia en Venezuela para poñer en dúbida a lexitimidade democrático do Goberno. Nun encontro con emigrantes galegos anunciou que o PP vai levar no seu programa unha reforma normativa para que goberne sempre a candidatura máis votada. O líder conservador chegou a dicir que os pactos entre socialistas e nacionalistas nas diferentes administracións son exemplos de “aberracións democráticas” insólitas a nivel europeo. Nun acto de precampaña, Feijoo acusou a PSdeG e BNG de estar envoltos en enfrontamentos internos que prexudican a gobernabilidade do país.
Mais Feijoo tamén aproveitou a xuntanza para agradecer os esforzos dos militantes do PP en Venezuela “a pesar do clima de opresión e de dificultades que rodean calquera actividade política que se desenvolva dende posturas críticas ao goberno”. Feijoo fixo estas declaracións poucas horas antes de partir cara México, onde residen 17 mil galegos e onde ten programados diferentes actos este sábado.
Comentarios (4)
Alberto, déixate de tanta cuchipanda e vente para o país
Sinceramente. Iso é o mellor que se lles ocorre dicir “Feijoo aproveita un acto en Venezuela para acusar ou bipartito de aberración democrática"
Para nada poño en dúbida que o dixo por primeira vez en Venezuela. Pero dubido moito mais que en Galiza non o repetiu ata o cansazo. Que máis vai dicir? Se a unión entre o BNG e o PSOE logro desbancar ao PP do poder. E iso doe. E moito.
Eu non se o que dixo Feijoo en Caracas xa que estou en Valencia. Pero dubido moito que esta sexa a única cousa que expuxese ao Galegos en Venezuela. Neste país concéntrase a segunda comunidade galega en Hispanoamérica. Temos moitos e graves problemas e non somos nin tan ignorantes nin tan bobos para non darlle o xusto valor ás alianzas que fan os partidos para acceder ao poder. É máis, nin sequera somos cándidos, xa que se o fin xustifícao, non é nada raro ver ao PP, PSOE e sorprendentemente ao BNG unir os seus votos para obter un inmoral beneficio económico. Como o famoso plus aos altos cargos públicos. Iso se foi unha ABERRRRRRRRRRACIÓN.
O triste é que tendo Vieiros un apartado supostamente dedicado a Venezuela. Quen o lea con asiduidade preguntásese. Está dedicado ese apartado á comunidade galega que vive en Venezuela? A quen? ou a que?
Eu creo que non. Bo, se teñen dúbida, lean os últimos 20 artigos e verán traducións literais ao galego das noticias da axencia bolivariana de noticias. Se fala de persoas, se regodean destacando as opinións favorables ao goberno chavista (Sean Penn ou Naomi Campbell). Criticas ningunha. Un verdadeiro paraíso tropical.
Pero falar dos problemas da comunidade galega en Venezuela. Nada de nada. As persoas que non conseguen os alimentos básicos (incluídos os galegos) as vítimas da inseguridade. (15.000 mortes violentas en 2.007) seguro que a algún galego mataron. Iso non importa. Que pasen meses para que entreguen un pasaporte, se é que o entregan. Non importando que se trate de anciáns enfermos. Unha seguridade social que non garante nin sequera a atención e moito menos o achegue de medicamentos a persoas que durante décadas cotizaron. O último que faltaría é que promocionasen as bondades da folla e a pasta de Coca que Chávez recomendou nun Aló presidente e que todos os presentes aplaudiron. Aínda que dubido que o servilismo e rastrerismo chegue a tanto como seguir a súa recomendación ou darlla aos seus fillos.
Permítome recomendar que lean “Que é Vieiros?”. Esta abaixo e á esquerda da páxina web. Poderán ler ao final o seguinte:
“Unha Galiza moderna, aberta a Portugal, feita dende ou exilio e a emigración para unha comunidade única de galegos non mundo”
Se logo de ler isto alguén cre Vieiros responde aos seus principios nos apartados dedicados a Venezuela. Non hai nada que facer.
A reforma que propon Feijoo e simplemente antidemocratica pois pretende que o PP goberne en Galiza por decreto. E obvio que o PP e o partido mais votado, entre outras cousas pq a esquerda esta dividida en varios partidos. O que pretende e que en Galiza non exista a alternancia democratica e que isto se converta nun chiringuito donde mangonear eles e os seus caciques.
A imposibilidade de poder dialogar e pactar pola sua radicalidade quere levalos a cambiar as regras de xogo e poñer a lei dacordo cos seus intereses.
Pero de seguro que a sua lei nada di sobre rematar coas caciquis deputacions, quitarlle escaños a Ourense pola perda de poboacion ou rematar co antidemocratico e inxusto voto emigrante.
Estou parcialmente de acordo con vostede Sr. Gaiais. No que respecta á fragmentación das forzas de esquerda en Galiza o cal dálle certa debilidade contra formacións menos dispersas como a centro dereita Galega.
O que expón Feijoo posiblemente non sexa viable, xa que en Galiza como vostede sabe mellor que eu, o presidente da Xunta é elixido polos votos do parlamento galego xa que non hai votación por presidente como tal. Se a maior parte dunha comunidade vota por unha organización. Unha unión entre partidos con fins comúns “posterior ao acto electoral” non debería violentar o sentimento da maioría. E enténdame, Eu creo que as alianzas teñen que darse, pero con honestidade de face ao pobo. É dicir se as forzas progresistas queren loitar en igualdade de forza, terían que presentar candidatos facer unha elección interna e o candidato único saído da mesma é o que se enfrontaría á centro dereita. Creo que é máis xusto de face ao pobo.
O que non considero conveniente e posiblemente alguén o expoña. É facer eleccións parlamentarias e presidenciais. É dicir crear un lexislativo e un executivo supostamente independente un doutro xa que este último seria produto da vontade popular e non dos manexos do lexislativo. Asegúrolle, que ten os seus prol e contras.
A outra parte que ten que matizarse é o voto emigrante. Estou totalmente de acordo en que hai problemas con respecto a este tipo de instrumento electoral. Pero hai dereitos que o xustifican e os investimentos que por décadas deu a emigración a galiza en forma de achegues económicos (hoxe moi mermados) e o só feito de abandonar o país determino un diminución dos gastos por servizos. Non falemos de achegues políticos os cales foron innegables e transcendentes na historia do país galego. É máis, ata este medio Vieiros recoñece a súa orixe na emigración e o seu compromiso coa mesma. Aínda que no correspondente a Venezuela está comprometida co goberno e a comunidade galega non existe para nada.
Creo que o voto emigrante, non pode nin debe elixir aos presidentes de municipios, parroquias e provincias. Por unha simple razón os dirixentes elixidos non teñen influencia directa sobre os electores foráneos xa que o seu marco de acción limítase a asuntos locais. É dicir, un alcalde por exemplo pode facer moi pouco pola comunidade galega en Valencia, Venezuela. Non pode destinar recursos dun municipio ou provincia para plans de saúde ou emprego fóra da súa contorna. Pola contra o presidente da xunta e do goberno central se teñen estas atribucións e polo tanto se é relevante este voto e por suposto menos perverso.
Saúdos.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto