Vieiros

Os tres foron detidos no mediodía desta segunda feira de Entroido nas localidades nas que residen: Pernando Barrena en Berriozar; Patxi Urrutia en Iruña; e Unai Fano en Larrabetzu.

Segundo fontes xurídicas, as detencións enmárcanse nas dilixencias 320/07, abertas polo maxistrado tras a operación desenvolvida o pasado outubro na localidade guipuscoana de Segura, na que foron detidos uns vinte membros da Mesa Nacional de Batasuna. Naquela altura xa detiveran a Patxi Urrutia, que saíra após pagar unha fianza de 24 mil euros.

Ao parecer as detencións responde á intervención de Barrena, Urrutia e Fano o pasado sábado en Iruña, nun acto sobre as "conversacións de Loiola", que mantiveron o PNV, o PSE e Batasuna en outubro de 2006, e sobre a "proposta de marco democrático" da esquerda abertzale.

Neste acto Barrena asegurou que a esquerda abertzale vai estar "con toda seguridade" e "en calquera circunstancia" nas eleccións españolas do 9-M.

Garzón considerou que con estas intervencións públicas, que Barrena seguiu actuando en nome de Batasuna, a pesar da ilegalización desta formación, e ordenou as detencións dos tres, acusándoos de "integración en organización terrorista por reiteración delituosa, por seguir actuando en nome de Batasuna a pesar da súa ilegalización".