Vieiros

Vieiros de meu Perfil


Edición xeral

RSS de Edición xeral
Concurso de cartas de amor

Radiofusión agarda as mellores pezas de literatura "amorosa"

O sociólogo e poeta Xosé Leira presidirá o xurado do certame convocado por Radiofusión.

RedacciónRoberto Noguerol | Portada da administración | Portada da web | Desconectar - 09:00 05/02/2008

Aproveitando a recente celebración, a pasada fin de semana, da Candeloria, que segundo a tradición do país é o día no que "casan os paxariños", Radiofusión avanzou xa o xurado do certame de cartas de amor en lingua galega convocado en Fene.

O sociólogo e poeta Xosé Leira presidirá o xurado. Leira, profesor na Faculdade de Humanidades da Universidade da Coruña, no campus de Ferrol participou con 4 poemas de amor no libro colectivo Poemas e mar de fondo que recolle os versos dos autores participantes no recital poético no faro de Fisterra do proxecto Aulas no Camiño. Ademais de Leira publican tamén nese volume, escritores como Manuel María, Salvador Garcia Bodaño e Miro Villar. Leira publicou en 1996 na Editorial Espiral Maior o libro Canto custa instalarse no amor con prólogo de Xose Luis Méndez Ferrin e epílogo de Fermín Bouza, o que avala a súa experiencia e coñecemento en literatura amorosa. Con Xosé Leira participarán no xurado o profesor de Lingua e Literatura Galega Xosé Manuel Sarille, a redactora de Radiofusión María Xesús Arias e o alcalde de Fene Iván Puentes.



Os interesados deberán enviar as súas cartas, en prosa ou en verso e escritas en galego, antes do 12 de febreiro, para o que deberán envialas á dirección de correo electrónico direccion (arroba) radiofusion.eu, ou ben recorrer ao correo tradicional en Radiofusión. Praza do Concello s/n. 15500 Fene (A Coruña), baixo plica. A carta non poderá superar o folio de extensión, mecanografado a dobre espazo. Tamén se poderán escribir a mans, sempre que sexan intelixíbeis.


3,25/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: