Vieiros

Vieiros de meu Perfil


Edición xeral

RSS de Edición xeral
PROMOVIDOS POR DEPARTAMENTOS DO BNG

A Fegamp rexeita as leis de Vivenda e de Servizos Sociais

Segundo o presidente da federación, o Goberno non negociou cos concellos nin tivo en conta a autonomía municipal.

Redacción - 19:10 12/02/2008
Carlos Fernández, presidente da Fegamp e alcalde de Ames

Carlos Fernández, presidente da Fegamp e alcalde de Ames

A Fegamp rexeitou este martes os proxectos de Lei de Vivenda e de Servizos Sociais, ambos os dous impulsados polo BNG, ao considerar que "atentan contra a autonomía municipal". O presidente da federación, o socialista Carlos Fernández, dixo da futura Lei de Vivenda que podería "colidir" cos plans de ordenación urbanística dos concellos.

Como mostra, Fernández afirmou que o Decreto de Habitabilidade interfire co límite de altura máximo aprobado en plans municipais. Tamén dixo que era "desproporcionada" a reserva do 40% dos inmóbeis para vivenda protexida. A comisión executiva da Fegamp aprobou un informe preliminar sobre o anteproxecto da Xunta para "abrir un espazo de diálogo" co departamento que dirixe Teresa Táboas.

Na mesma liña, Carlos Fernández lamentou que a Vicepresidencia redactase o anteproxecto da Lei de Servizos Sociais "de xeito unilateral" e pediulle ao Goberno que "non pase do poder local nin o entenda como subsidiario seu". Porén, negou que os concellos se opoñan a destinar o 7% do orzamento a servizos sociais: "Case seguro que os municipios superan esa porcentaxe porque son o substento básico para a prestación de servizos sociais".

Para o presidente da Fegamp, "o que se discute non é unha contía maior ou menor, senón que se interfira nos presupostos dende unha administración que non é superior dende unha perspectiva xerárquica".


1.25/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: