Vieiros

Sergio Aragoneses (Porriño, 1977), acaba de fichar polo Numancia para o que queda de tempada en Segunda. O galego, que acaba de rescindir o seu contrato co Hércules, chega ao equipo para substituír ao porteiro titular, Jacobo Sanz, que non vai poder volver ao equipo até que se recupere dun problema muscular, dentro dunhas seis semanas.

Podería xogar xa esta mesma campaña, se o técnico do Numancia, Gonzalo Arconada, así o decide. O porteiro marchou do Hércules após facer unhas declaracións que o seu adestrador, Andoni Goikoetxea, cualificou de "indisciplina".

O seu novo adestrador, Arconada, dixo da nova fichaxe que chega para "cubrirlles as costas" e para axudar, tras a lesión do segundo porteiro. De todos so xeitos, Arconada salientou que a chegada de Aragoneses non vai prexudicar a titularidade do actual primeiro porteiro do Numancia, o uruguaio Álvaro Núñez.