Vieiros

Vieiros de meu Perfil


Fwwwrando

RSS de Fwwwrando
CÓDIGO ABERTO

O navegador Firefox supera os 125 millóns de usuarios

Mozilla salienta que o software duplicou o seu uso durante o ano 2007.

Redacción - 09:00 18/02/2008

A Fundación Mozilla, impulsora do navegador de código aberto Firefox, anunciou que xa chegou aos 125 millóns de usuarios, dos que 50 millóns empregan o software a diario. O membro do consello de administración de Mozilla Christopher Blizzard deu a coñecer en Los Angeles, na Southern California Linux Expo, estes e outros detalles sobre o presente e o futuro de Firefox.

Na actualidade, máis de mil persoas colaboran desinteresadamente dende as súas casas na programación de Firefox e das súas extensións, aos que lles hai que sumar outros 45 que traballan a tempo completo no navegador. Ademais, segundo a información facilitada por Blizzard, o número de usuarios do Firefox duplicouse no último ano, e a tendencia ao crecemento segue constante, fronte ao seu principal competidor, o maioritario Internet Explorer de Microsoft.

Agora está en desenvolvemento a versión 3 de Firefox, cunha terceira beta que se publicou esta mesma semana. Segundo Mozilla, estas versións de proba son testeadas por unha media de medio millón de persoas. A nova versión xa introduciu 12.000 cambios sobre Firefox 2, coa principal prioridade de reducir o consumo de memoria.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: