Vieiros

O xulgado número 1 de Compostela deixou en liberdade con cargos a un estudante da USC que fora arrestado na mañá deste luns pola súa participación na protesta contra a presidenta do PP vasco. O mozo, que cursa estudos en Ciencias Políticas, presentouse na comisaría de Compostela acompañado por un avogado. O rapaz era un dos que estaban “pendentes de detención”. A diferenza dos outros dous detidos, Iago Barros e Sergio Pinheiro, o estudante detido este luns non pertence á organización estudantil Agir.

Segundo fontes policiais citadas por Europa Press, a investigación permanece aberta e non se descartan novas detencións, baseadas no informe do Decanato de Económicas. Neste documento identificábase a seis alumnos e unha alumna da USC (dous de Dereito, dous de Ciencias Políticas, un de Xornalismo, un de Económicas e outro de Historia).

• Análise: Desproporcionada reacción aos incidentes de Económicas