Vieiros

Vieiros de meu Perfil


Máis Alá

Xestionado por Vieiros
RSS de Máis Alá
CON GUADI GALEGO, ABE RÁBADE E ANXO ANGUEIRA

Rosalía canta jazz en Cuba

'RosalíaXXI' chegará ás tendas en marzo, recreando os textos da poeta en clave de jazz, pero soará primeiro na Habana o sábado 23 coa presenza de Pablo Milanés.

Redacción - 09:00 20/02/2008

O sábado 23 Rosalía de Castro entrará no Teatro Mella da Habana, da man dun padriño de luxo, Pablo Milanés. Alí, un auditorio repleto escoitará os seus poemas en clave de jazz, comezando por Tembra un neno, poema incluído en Follas Novas, o primeiro tema que se dá a coñecer. O proxecto nace no maxín de Abe Rábade (piano e composición), e nel tamén participan o poeta Anxo Angueira (voz recitada), Guadi Galego (voz), Jesús Santandreu (saxo tenor), Nelson Cascais (contrabaixo) e Bruno Pedroso (batería). O álbum Rosalía XXI estará á venda o 11 de marzo.

No concerto tamén participará Pablo Milanés e outros artistas cubanos, que realizarán deste xeito unha homenaxe á poeta, moi popular na illa, e a toda a colectividade galega. Ao mesmo tempo, proxectaranse pezas audiovisuais que contextualizan a figura de Rosalía.

Tembra un neno



Tembra un neno no húmido pórtico
Da fame e do frío
ten o sello o seu rostro de ánxel,
inda hermoso, mais mucho e sin brilo.
Farrapento e descalzo, nas pedras
os probes peíños,
que as xiadas do inverno lañaron,
apousa indeciso;
pois parés que llos cortan coitelos
de aceirados fíos.
Coma can sin palleiro nin dono,
que todos desprezan,
nun curruncho se esconde, tembrando,
da dura escaleira.
E cal lirio se dobra ó secárese...


4.83/5 (12 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: