Vieiros

Vieiros de meu Perfil


Edición xeral

RSS de Edición xeral
150 MARISCADORES

Os afectados polas obras do porto exterior da Coruña recibirán 4,5 millóns

A Autoridade Portuaria recoñeceu os prexuízos que causan os traballos e entregará unha indemnización para rexenerar a zona.

Redacción - 18:54 20/02/2008

Os mariscadores afectados polas obras de construción do Porto Exterior da Coruña, en Punta Lagosteira, levan dous anos de mobilizacións e negociacións para conseguir que a Autoridade Portuaria recoñeza o dano provocado nos bancos marisqueiros do lugar. Agora, nun acordo que aínda ten que definir os seus detalles, a Autoridade Portuaria comprometeuse a indemnizar con 4,5 millóns de euros aos afectados, uns cartos que servirán para rexenerar a zona, co obxectivo principal de "asegurar que non se verá afectada a reprodución das especies", segundo a Consellaría de Pesca.

Paulo Carril, representante da CIG e voceiro dos afectados, cualificou de "éxito" o acordo acadado xa que, malia que os seus detalles están aínda por definir, resulta moi importante que a Autoridade Portuaria lles "recoñeza aos afectados o dereito a cobrar unha indemnización". A cifra acordada é, segundo Carril "un fondo mínimo", que mesmo podería aumentar nas negociacións. Nos vindeiros días continuarán as conversas para decidir todos os aspectos do acordo.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: