Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
PROSEGUEN AS MOBILIZACIÓNS

Cambre sae á rúa para denunciar que o TAV pon en perigo a Fraga de Cecebre

Centos de veciños manifestáronse na capital do municipio para pedir que se varíe un trazado que tamén arrampla con varias casas.

Redacción - 15:40 23/02/2008
Tags: Cambre TAV

Os veciños do municipio de Cambre volvéronse concentrar este sábado no Campo da Feira para mostrar o seu malestar co trazado do Tren de Alta Velocidade no municipio. Os afectados consideran que o proxecto do Ministerio de Fomento non é o idóneo. A infraestrutura pon en perigo o bosque que inspirou ao escritor Wenceslao Fernández Flórez, a Fraga de Cecebre, e convértese ademais nun auténtico crebacabezas para os veciños, xa que o tren pasaría por núcleos de poboación e incluso obrigaría a tirar algunhas casas.

Os manifestantes tamén consideran que o trazado da liña de alta velocidade traducirase na abolición da actual rede ferroviaria, o que porá en perigo a creación dun servizo de cercanías para a área metropolitana da Coruña, á que pertence o municipio de Cambre.


5/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: