Edición xeral
Aranga: seis minutos para 'aclarar' unha recualificación de 300 hectáreas
Ducias de veciños acudiron até o pleno para denunciar que o 'pelotazo' tan só beneficia a un gran empresario coruñés.
A democracia nalgúns municipios do rural galego é, cando menos, fugaz. O alcalde de Aranga, Manuel Brañas (PPdeG), presidiu este mércores un pleno que ventilou en só seis minutos. O rexedor deixou claro que a dialéctica política non era o seu. Nun pleno convocado para explicar un polémico convenio urbanístico, Braña limitouse a ler uns folios que traía escritos e acto seguido levantou a sesión sen deixarlle falar aos concelleiros do PSdeG e do BNG.
Ducias de persoas concentrábanse no consistorio para denunciar o que consideran un 'pelotazo' que prexudica os seus intereses. Se o convenio que asinou o rexedor e o empresario coruñés Xosé Collazo sae finalmente adiante canda o novo PXOM, o Concello de Aranga converterá tres millóns de metros cadrados rústicos en urbanizábeis. Collazo, un dos máis importantes empresarios do xogo de Europa, poderá levar a cabo o seu proxecto: un macropolígono de 250 hectáreas e 744 vivendas.
O alcalde desmentiu que o convenio se asinase en 2006. Segundo Braña, o acordo con Collazo incorporouse ao proxecto do PXOM en outubro de 2006. O alcalde mantén que en novembro dese ano informou á oposición (naquel entón composta só por concelleiros socialistas). O máximo mandatario de Aranga di que naquela xuntanza tamén estaban presentes representantes da Consellaría de Medio Ambiente polo que entende que “todos quedaron enterados naquel momento”. Porén, dende o PSdeG aseguran que non souberon nada do convenio até hai dous meses. Preguntado sobre as vantaxes que sacará o municipio co convenio limitouse a dicir que "o beneficio para o pobo está claro e ese foi o único obxectivo que busquei".
O alcalde abandonou a sala de plenos e pechouse no seu despacho logo de que algúnss veciños lle chamasen “ladrón”, “piollo” e “traidor”. Á saída do consistorio algúns dos afectados guindáronlle ovos.Fontes do PSdeG e do BNG de Aranga anunciaron que van forzar outro pleno extraordinario nas vindeiras semanas para que o rexedor dea toda a información a respecto do convenio. As forzas da oposición queren que o debate teña lugar nun pavillón público.
Novas relacionadas
- O alcalde de Aranga pediu protección policial para o pleno sobre a recualificación
- A Xunta coñecía a magnitude da recualificación de Aranga dende 2006
- Veciños de Aranga tratan de demostrar que Collazo mercou montes comunais
- O alcalde de Aranga nega que haxa "ocultismo" e acusa á oposición de "intoxicar"
- A Fiscalía non meterá man na recualificación urbanística de Aranga
- O alcalde de Aranga desafía os veciños a presentaren "alegacións"
- Os veciños de Aranga crían que vendían terreos para un "couto de caza"
- O Concello de Aranga recualifícalle tres millóns de metros ao 'rei do xogo'
Comentarios (4)
Mi má, isto é democracia en estado puro. Non vai dicir nada a Xunta desta recualificación?
O QUE MANDA CARALLO É QUE A DO BLOQUE NACIONALISTA GALEGO SEXA DE UN CONCELLO VECIÑO, EN CONCRETO GUITIRIZ. NATURAL DOS VILARES, A MIÑA PARROQUIA NATAL.
TAMÉN QUE O PAI SEXA DOS SOCIALISTAS E AGORA DE TERRA GALEGA.
NON SEI QUE PODE DEFENDER SE ELA NON TEN NADA QUE PERDER NESA ZONA, BUENO, SERÁ QUE TEN MOITO QUE GAÑAR. NON SEI.
A MAN MÉTENA TODOS, SON UNS CABRONS TODOS E O ALCANDE NON SE PODE XUSTIFICAR, E UN CORRUPTO, PERO OS OUTROS NON QUEDAN POR TRAS
que pena que pena que ahora los vecinos se vallan dando cuenta poco a poco a quien le han dado su boto,no me parece bien lo que hace ese...pero todos lo conocen bien y saben lo que era ese hombre,a parte de analfabeto y no pasarse el dia nada mas que de bar en bar es un cobarde y un mierda.Ya veis resulta que el tonto que firma lo que le ponen delante y que no manda nada jodio a todo el ayuntamiento.
estoy segura que ahora mas que uno despertara y bueno solo decir que ya es tardeeeeee
O certo e que non e por que o alcalde sexa do PP, PSOE ou BNG, pero calquera persoa que sea algo intelixente pode ver no vídeo que alguén o move como unha marioneta, seguramente a cambio de cartos. El só non puido preparar todo isto, sinxelamente por que non sabería facelo.
O que é vergonzoso é que a Xunta permita isto, e o vai permitir por que seguramente estén tan comprados como o Alcalde de Aranga.
Deixan despoboarse as aldeas mentres un ricachon se enriquece construindo casas para os yeyes que non queren vivir nun piso.
Si fan as casas que as fagan sin perxudicar os veciños que ahora viven no concello. Que a Xunta obligue a que o 25% destas casas sexan de proteción para os rapaces novos do concello para que desta forma non marchen.
O equipo de goberno de Aranga non é trigo limpo, ¿Será unha coincidencia que 2 edís do PP dimitiran dos seus cargos dende hay poucos meses? ou será que se quixeron aforrar problemas cos veciños vendo o que se lles viña enriba.
...........De todo isto hay moito que falar, espero que sigan vostedes publicando noticias deste escandalo para que non quede só nunha campaña electoralista dos grupos da oposición.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto