A Federación Española autoriza o Cataluña-Arxentina
Hase xogar o vindeiro 24 de maio. O mesmo día tamén xoga a selección valenciana, pero aínda non se sabe contra quen.
A Federación Española de Fútbol autorizou esta quinta feira, finalmente, o partido entre Cataluña e Arxentina, que se ha xogar o 24 de maio, seguramente no Camp Nou.
A Federación Catalá xa tiña comunicado en decembro do ano pasado o acordo ao que chegara con Arxentina para disputar este encontro, mais a española non tocou o tema até esta semana. O presidente da federación Catalá, Joan Gaspart, salientou, en conferencia de prensa, que a persoa decisiva para que se podía xogar este partido fora Joan Laporta, o presidente do Barça.
Esta quinta feira tamén se confirmou que a selección valenciana vai xogar o mesmo día, o 24 de maio, mais non se sabe aínda contra que outra selección. Os valencianos non puideron xogar en decembro, como moitas das seleccións nacionais, porque Canal 9 non pagou polos dereitos televisivos.
E Galiza... ha xogar en maio?
Hai semanas correra un ruxerruxe pola rede e en varios medios de comunicación galegos sobre a posibilidade de que Galiza xogase un outro partido este ano, alén do tradicional partido do Nadal. Dábase até unha posíbel data, o 29 de maio.
Pero a cousa non é moi factíbel, e polo menos este ano o partido non se vai xogar. Segundo a Dirección Xeral para o Deporte, xa dende o ano da creación da irmandiña do fútbol campo se tentou facer un partido en primavera e outro no inverno, pero o de primavera sempre coincide coa recta final da liga (en primeira e en segunda, categorías ás que pertencen os clubes nos que xogan os seleccionados por Galiza), e moitos dos equipos néganse a ceder aos seus xogadores, porque non poden prescindir deles xusto no momento no que se xogan os ascensos, os descensos e as permanencias.
Novas relacionadas
Comentarios (8)
pq non un Galiza-Catalunya?? máis barato, máis simbólico, máis sentimento
nom pode ser xa que os do PP de E que nom PP de G "dirian España se rompe"
Sempre en Galiza
Por supuesto, si Cataluña juega en mayo, Galicia tiene que jugar en mayo...Al fin y a al cabo, el nacionalismo gallego no deja de ser una mala copia del catalán.
Non acado a ver ben,pero paréceme que ese puntiño negro na franxa amarela da bandeira española do amigo Gaviotero é un águia imperial,...Non?
E logo Brañas (que fundador do voso partido tiña como guieiro, cando menos de boquilla para obter votos) non fora un dos que máis espertou o sentimento nacional da Catalunya? Por favor #3, infórmate e logo falas.
Obtido da Fudación Alfredo Brañas: "O impacto máis fondo do pensamento e da acción política de Brañas produciuse en Catalunya. O catalanismo viu nel a un dos homes máis importantes para o desenvolvemento do rexionalismo. Pola súa parte, Brañas seguiu moi atento á evolución do rexionalismo catalán e desa observación foron xurdindo documentos e escritos que o líder galego tentaba instaurar en Galicia, como as Bases generales del Regionalismo y su aplicación a Galicia, inspiradas nas Bases de Manresa e outros documentos, pero moito máis matizadas polo xenio organizativo de Brañas. Catalunya seguiuno moi de preto. El Regionalismo (1889) publicouse en Barcelona e tivo alí unha grande audiencia. Os seus discursos foron comentados ou reproducidos por Lo Catalanista, La Renaixensa, La Veu de Catalunya, La Veu de Monserrat e outros xornais catalanistas. Cambó lembra a influencia que sobre el exerceu Brañas con estas palabras: "La emoción más honda de mi vida la he sentido allí (no acto da conferencia pronunciada por Brañas no Pazo do Parque de Barcelona): todo el valor del catalanismo lo he sentido al calor del verbo de aquel Apóstol y desde entonces me incorporé al movimiento catalanista"."
Sinceramente, nom sei como cona há alguém que, a estas alturas, lhe resposta ao Troll.
Haver amig@s, se a ninguém se nos ocorre falar com a máquina do tabaco ou o surtidor da gasolina, por quê falar com um Troll?
«Por supuesto, si Cataluña juega en mayo, Galicia tiene que jugar en mayo...Al fin y a al cabo, el nacionalismo gallego no deja de ser una mala copia del catalán».
Razão não lhe falta a este foreiro. Do mesmo jeito, o nacionalismo espanhol não deixa de ser uma cópia péssima do nacionalismo francês 8-D
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto