Vieiros

A prensa galega publica este domingo tres enquisas diferentes. La Voz debulla os datos que principiou a dar o sábado. Segundo os datos de Sondaxe, o PPdeG lograría 11 escanos, o PSdeG 10 e o BNG 2. Os socialistas galegos estarían a piques de empatar en votos cos conservadores nas circunscricións electorais da Coruña e Lugo e o PPdeG volvería a ser a forza máis votada en Ourense e Pontevedra. O BNG lograría un notábel aumento de apoios na Coruña e Ourense.

O xornal Faro de Vigo publica unha enquisa da empresa Ipsos, con datos a nivel estatal. Segundo este traballo, o PSOE lograría o 43,4% dos votos, o PP un 38,5. O BNG repetiría os resultados de 2004 (0,8%) o que segundo Ipsos se traduciría en un ou dous parlamentarios.

A enquisa de Anova Multiconsulting para El Correo Gallego, con análise en clave galega, dálle un mellor resultado para os conservadores que obterían 12 deputados, fronte aos 9 do PSdeG e os 2 nacionalistas