Vieiros

Tito Villar Pispieiro é coñecido por ser a alma do balonmán feminino en Galiza. Dende o seu falecemento, en decembro de 2006, moito se tiña falado da creación dun torneo anual (ademais de un pavillón e un complexo deportivo co seu nome) que lle servise de homenaxe. Agora, dous anos despois chega o I Memorial Tito Villar, que se ha desenvolver na cidade da Coruña o vindeiro 20 de marzo.

Os dous equipos hanse enfrontar na pista de San Francisco Javier, nun partido amistoso que organiza o Balonmano Coruña (clube ao que Villar adestrou durante décadas) e a Federación Galega de Balonmán.

A selección galega absoluta feminina xogou por primeira vez, ás ordes de Irene Vilaboa, a carón da masculina, en setembro de 2006 no Porriño, fronte a Túnez.