Vieiros

O senador demócrata Barack Obama alzouse coa vitoria nos caucus de Wyoming, tal e como estaba previsto. Obama conseguiu o 61% dos votos, o que lle fai gañador dos caucus desta xornada. Hillary Clinton, pola súa banda, logrou o 38% dos votos nesta cita electoral.

Nos caucus de Wyoming había en xogo 12 delegados, que irán á Convención Demócrata en Denver (Colorado), onde se proclamará ao candidato demócrata que se enfrontará ao candidato republicano, o senador por Arizona, John McCain, nas eleccións de novembro.

Sete dos 12 delegados foron para Obama, e os cinco restantes, para Clinton. Deste xeito, o senador afroamericano conta agora con 1.527 delegados e a ex primeira dama, con 1.428.