Vieiros

Vieiros de meu Perfil


Edición xeral

RSS de Edición xeral
CONSELLO DA XUNTA

Industria inviste 240.000 euros en tres oficinas universitarias de software libre

Os centros estarán coordinados co Centro de Referencia e Servizos de Software Libre de Galiza.

Redacción - 18:10 13/03/2008

O Goberno aprobou este xoves un convenio de colaboración entre a Consellaría de Innovación e Industria e as tres universidades do país para financiar a posta en marcha e mantemento de cadansúa oficina de software libre. Ademais, estabelecerase un marco de coordinación co Centro de Referencia e Servizos de Software Libre de Galiza, Mancomún. A consellaría achegará 240.000 euros.

O convenio prevé crear e consolidar as oficinas de software libre nas tres universidades. Contarán cun coordinador a tempo completo, cun equipo de apoio e cun espazo web informativo. Ademais, cada oficina terá que presentar nun prazo de dous meses un plan anual de actuación e deseñar novas iniciativas de desenvolvemento do software libre no eido da súa universidade

Crearase, ademais, unha comisión de coordinación técnica das actividades das tres oficinas, que terán que engadir contidos á web de mancomun.org e colaborar na difusión das actividades e información da Dirección Xeral de Promoción Industrial e da Sociedade da Información.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: