Vieiros

Panxea é unha feira multicultural na que o pan acaba converténdose nunha excusa para a música e os concertos, caracterizados pola mestizaxe e a convivencia entre ritmos de Galiza, Euskadi, Guiné Bissau, Uruguai, Arxentina ou Cuba. A festa celebrarase os días 20, 21 e 22 no interior dunha carpa instalada no aparcadoiro do Centro Comercial Bergantiños de Carballo. A celebración estará amenizada pola presenza nas rúas de agrupacións musicais como os candobeiros de Comparsa Lubola, ou os grupos locais Fol de Veneno e Raza Loba.

Xunto á música, que cobrará protagonismo polas noites, pero que estará presente ao longo de todo o día, unha exposición amosara os valores do Pan de Carballo, e poderanse ver e mercar un amplo conxunto de produtos de comercio xusto, agricultura ecolóxica e artesanía. Estes espazos estarán abertos de 11 a 14 horas, e de cinco a oito da tarde.

Programa de concertos
Xoves 20
18.00 Unha viaxe de ida
Los Tempraneros (música tradicional latinoamericana)
Alicia y Rivera (tango)
Habana (música tradicional cubana)

21.00 Unha viaxe de volta
El Ceibo (baile tradicional uruguaio)
Diego Verardi (cuarteto rioplatense)
Pablo Bicho (cuban latin fusion)

Venres 21
22.00 Festival Panxea Raíces
Sérra-lhe Aí + Ventos Viciosos
Oskorri
Cuchufellos

Sábado 22
22.00 Festival Panxea Global
Ruote
Manecas Costa
Bonovo