Vieiros

Vieiros de meu Perfil


Edición xeral

RSS de Edición xeral
Novo pau á familia Franco nos tribunais

O TSXG autoriza a Xunta a entrar no Pazo de Meirás

Os técnicos da Consellaría de Cultura poderán acceder ao inmóbel e comprobar o estado de conservación.

Redacción - 14:00 18/03/2008
Flickr.com: edans

Flickr.com: edans

O Tribunal Superior de Xustiza de Galiza resolve en favor do Goberno e garante o permiso para os técnicos da Consellaría de Cultura, que poderán así entrar no Pazo de Meirás. O tribunal unicamente subliña que o traballo a realizar se limitará á documentación técnica e fotográfica do estado de conservación do inmoble e estabelece que deberá realizarse sen publicidade.

Xa que logo, a Xustiza bota abaixo as argumentacións realizadas polos avogados de Carme Franco Polo, filla do ex ditador, que bloquearan até o de agora o inventariado do Pazo de Meirás. O TSXG xa desestimara un primeiro recurso o pasado mes de outubro, advertíndolle á familia que o dereito privado á "inviolabilidade do domicilio" co que xustificaban o feche, non pode poñerse por riba dunha decisión administrativa "cando o demanda o interese público". Os maxistrados xa recoñeceran daquela o dereito á entrada no pazo dos técnicos de Cultura.

Paso previo á declaración BIC e á posíbel expropiación
A revisión do estado de conservación do pazo é un chanzo previo á súa declaración como Ben de Interese Cultural.

Posteriormente, a lexislación vixente, en concreto, a Lei do Patrimonio Cultural de Galicia de 1995, permite a posibilidade de que poida ser expropiado forzosamente por parte da Xunta no caso de que se comprobe que os propietarios incumpran as obrigacións de protección e conservación xeral.


4,64/5 (11 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: