Vieiros

Vieiros de meu Perfil


Edición xeral

RSS de Edición xeral
Inspección do Pazo de Meirás

Abel López Soto: "É un paso máis para que o pazo sexa de todos e se conserve"

O alcalde de Sada considera que a sentenza "sitúanos máis perto" de conseguir que o inmóbel "sexa declarado como Ben de Interese Cultural".

Redacción - 18:07 18/03/2008
Vista aérea do pazo

Vista aérea do pazo

O alcalde da localidade de Sada, Abel López Soto, celebrou que o Tribunal Superior de Xustiza de Galicia (TSXG) lle dese a razón á Consellaría de Cultura ao permitir que esta acceda ao interior do Pazo de Meirás para inspeccionalo.

López Soto considerou que, "aínda que é unha resolución que se adiou e que se levaba agardando moito tempo", é unha "satisfacción" que demostra que o Concello de Sada e o Goberno "tiñan a razón e estaban no bo camiño".

"Esta sentenza sitúanos un paso máis perto de conseguir que o Pazo de Meirás sexa declarado como Ben de Interese Cultural, o que permitirá que todos gocemos del e obrigará a que tomemos medidas para a súa conservación", dixo.

Ademais, o alcalde sadense salientou o feito de que, segundo a sentenza, se estabeleza como prazo límite antes do verán para que as partes se poñan de acordo na data da inspección, unha circunstancia "esperanzadora" para que se finalicen "o antes posíbel" todos estes trámites.


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: