Vieiros

Vieiros de meu Perfil


Euskadi

Edición xestionada por Vieiros
RSS de Euskadi
Día da Patria en Euskal Herria

Os vascos celebran o Aberri Eguna con actos políticos separados

O PNV, en Bilbo; EA, en Gernika; e o Foro Nacional de Debate (con Aralar, Abertzaleen Batasuna e a esquerda abertzale ilegalizada), cunha marcha entre Irun e Hendaia.

Redacción - 10:26 23/03/2008

Cada domingo de Pascua, dende 1931, Euskal Herria celebra o Aberri Eguna, o Día da Patria. Mais como vén sendo habitual, este ano tampouco haberá un acto unitario, informa EiTB.

O Foro Nacional de Debate organiza unha marcha dende as 11.30 horas entre Irun e Hendaia, onde haberá un acto político. A esta convocatoria adheríronse Aralar, Abertzaleen Batasuna, a esquerda abertzale ilegalizada e tamén Eusko Alkartasuna.

EA tamén fará un outro acto diferenciado en Gernika. O acto principal comezará ás 12:00 e os protagonistas serán o presidente e o secretario xeral do partido, Unai Ziarreta e Joseba Azkarraga, respectivamente.

O PNV, pola súa banda, celebrará o Aberri Eguna en Bilbo. No acto político, que iniciará ás 12.00 horas, tomarán a palabra o lehendakari, Juan José Ibarretxe, e o presidente do Euskadi Buru Batzar (órgano executivo do partido), Iñigo Urkullu.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: