Vieiros

Vieiros de meu Perfil


Edición xeral

RSS de Edición xeral
Libre de peaxe

A Costa da Morte terá media autovía en 2010

Política Territorial adxudica a autovía Carballo-Berdoias, adiantando así a previsión do desdobre da vía de alta capacidade, previsto inicialmente cara a 2018.

Redacción - 14:30 27/03/2008
Zona pola que discorrerá a autovía / Google Earth

Zona pola que discorrerá a autovía / Google Earth

Finalmente, a vía de alta capacidade da Costa da Morte será unha autovía no tramo entre Carballo e Berdoias, de 42,4 quilómetros. O investimento previsto pola Consellaría de Política Territorial será de 219 millóns de euros e prevese que o primeiro treito, entre Carballo e Baio, abra ao tráfico en novembro de 2010 e o segundo, até Berdoias, en maio de 2011.

A mesa de contratación avaliou como máis vantaxosa a oferta da agrupación formada por Ferrovial Agromán e Taboada y Ramos, que poderá recibir a adxudicación en canto acredite que cumpre coas obrigas legais. As obras empezarán cando a empresa presente o seu proxecto construtivo e os técnicos da consellaría lle dean o seu visto e prace.

A vía entre Carballo e Berdoias, no concello de Vimianzo, constará de catro carrís de 3,5 metros, dous en cada sentido, con beiravías interiores de 1,5 metros e exteriores de 2,5 metros. Estará libre de peaxe.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: