Vigo decide dedicarlles seis rúas a mulleres represaliadas polo fascismo
Son Ángela Iglesias Rebollar, Rosario Hernández Diéguez, Carmen Miguel Agra, Margarita Bilbatúa Zubeldia, Urania Mella Serrano e Mercedes Núñez Targa.
Un total de seis rúas han levar os nomes de seis mulleres viguesas represaliadas durante a ditadura franquista, tras saír adiante, cos votos de PSdeG e BNG e a abstención do PPdeG, esta proposta no pleno da segunda feira.
Co acordo dos partidos no goberno municipal, unha rúa do barrio de Teis vai levar o nome de Ángela Iglesias Rebollar; as travesías primeira e segunda da Travesía de Vigo van pasar a se chamar Rosario Hernández Diéguez e Carmen Miguel Agra, respectivamente. Ademais, no barrio de Barreiro dúas rúas han levar os nomes de Margarita Bilbatúa Zubeldia e Urania Mella Serrano; e no barrio de Pardaíña-Rocío háselle dedicar unha rúa a Mercedes Núñez Targa.
Un "acto de xustiza" cara estas mulleres
Durante a sesión, o concelleiro de Cultura, Xesús López (BNG), lembrou, ao pedir o apoio a esta iniciativa, que só o 3 por cento das rúas da cidade teñen nomes de muller, e considerou que isto supón que até o de agora non se tiña "valorado a aportación das mulleres", así como a das homenaxeadas, que "loitaron pola defensa da democracia" e fixeron unha contribución "á liberdade e igualdade social e de xénero".
Para López os novos nomes das rúas son un "acto de xustiza" cara estas mulleres e, por extensión, cara todas aquelas "que traballaron para que chegara a luz na Longa noite de pedra".
Ligazóns
Comentarios (4)
Lembrar q o PP votou en contra: seria pq son mulleres ou pq foron represaliadas polo franquismo? ou polas duas cousas?
No, el PP está contra el sectarismo totalitario de las franquistas de ayer que hoy para limpiar su imagen se las dan de antifranquistas.
Terminarán dedicándole una calle a la mujer de Quintana, y si no al tiempo...
Gaviotero, tu o que es cando menos e um IGNORANTE, um MINTIREIRO, UMHA PESSOA IN-EDUCADA (o defice educativo nom e inteiramente culpa tua), um PROVOCADOR MESQUINHO E SEM CLASE e umha pessoa SIMPLES, INDIGNA E INMADURA...Estuda um pouquinho, mais aprende a respectar e a escoitar sem tirar-lhe os teus cacharros a cabeza a ninguem...sabes que mentes em tudas e cada umha das achegas que fixeche...SABE-LO PERFEITAMENTE...Que pouco tolo estas meu amiguinho!!...Dam magoa de verdade o teu corazom podre e a tua mente enlamada na ruindade e no fanatismo...Sempre anoxado e sempre pretendendo dar lizons e a debuxar risos de plastico forzados(jaja je jo ju ji)que nem tu es quem de acreditar sem perder a pouca vergonha que che puidera quedar..
Mercedes Núñez Targa participou na Resistencia francesa, despois de saír do cárcere de Ventas (Madrid), e logrou o grau de Sarxenta do exército dos “Francs Tireurs et Partisans de France”. Capturada en 1944, foi deportada ao campo de concentración de Ravensbrück, verdadeiro campo de exterminio.
E o PP negouse a que se lle puxese unha rúa a esta muller, entre outras, vitimas da barbarie fascista, do "atila en Galiza".
É demostración do que seguen sendo, detrás de tanto sorriso, de teóricas condeas do holocausto... temos a realidade do facismo que ainda latexa.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto