Vieiros

José Luís Rodríguez Zapatero non poderá renovar como presidente até, como mínimo, o vindeiro venres. Este mércores pola mañá tivo lugar a primeira votación e o socialista só conseguiu o apoio da súa formación: 168 sufraxios (faltaba un parlamentario).

O candidato tivo 158 votos en contra, os que sumaron o PP, ERC e UpyD. Pola súa parte, CiU, PNV, BNG, IU, ICV e Nafarroa Bai optaron pola abstención

É a segunda vez na historia da democracia española que un candidato á presidencia precisa dunha segunda votación. En febreiro de 1981, Leopoldo Calvo Sotelo, que substituía a Adolfo Suárez que acababa de dimitir, precisou tamén dunha segunda votación.

Rodríguez Zapatero recoñece "deficiencias" no voto exterior e fala de "estudar" reformas