Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Final do tirapuxa

Cataluña vai xogar con Arxentina, pero contra os sub-23

A Federación Catalá aceptou a decisión da Asociación de Fútbol Arxentino, a pesares de ter dito que só ía xogar de ser contra a absoluta.

Redacción - 11:54 16/04/2008

A xunta directiva da Federación Catalá de Fútbol (FCF) aceptou, finalmente, xogar contra a selección arxentina sub-23 o vindeiro 24 de maio no Camp Nou.

Hai unhas semanas, cando aínda non se sabía que combinado arxentino ía viaxar a Barcelona, o presidente da FCF, Jordi Roche dixo que só aceptaría aos sub-23 se tamén xogaban os desta categoría que fosen membros, tamén, da selección absoluta.

Esta terza feira o presidente da Asociación de Fútbol Arxentino (AFA), Julio Grondrona, confirmoulle a Roche que a selección que vai cruzar o Atlántico é a mesma que vai loitar polo ouro nos Xogos Olímpicos de Beixín 2008, na que hai nomes tan destacados como Messi (FC Barcelona), Zabaleta (Espanyol) e Banega (Valencia).

Hai que destacar que a maior parte dos xogadores deste combinado arxentino militan no fútbol europeo, cousa que favorece á AFA, posto que o 24 de maio proposto para o encontro hai xornada da liga arxentina.

Suspendido o encontro dos veteranos

O partido que se había xogar o vindeiro 26 e abril no Pavillón Olímpico de Badalona entre os veteranos cataláns e os arxentinos (entre os que andaba Maradona, após perder peso), non se vai disputar debido a que a selección arxentina e a empesa promotora non deron garantías dabondo de estar presentes na data prevista.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: