Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Mentres a Conferencia NorOeste se fai nómade

A billarda expándese e chega a terras de Cerceda

Hai nova conferencia e nomadismo pola provincia da Coruña. Queda nada para saber quen chega aos play-off finais.

Redacción - 11:15 19/04/2008
Os campións do NorLeste, os Billardeiros Musicais

Os campións do NorLeste, os Billardeiros Musicais

Aínda cos golpes resoando do tremendo éxito colleitando nas terras do Sur co I Aberto de Mos e coa espectacular xornada vivida a pasada fin de semana nas terras do Valadouro (A Mariña) cos mellores palanadores e palanadoras da Conferencia NorLeste (que andan en clasificacións para poder disputar os play-off en Compostela, en maio), hai novidades: temos nova tribo billardeira.

Ás terras de Cerceda (entre os efluvios da central de Meirama e doutras entidades que tamén acaba en -ama) chegou o espírito da billarda, e velaí: temos nova franquicia. Hase estrear este domingo, a partir das 16:30 horas na pista de San Martiño de Ledoira, parroquia do Concello de Frades.

O torneo de Ledoira ha marcar, ademais, un fito na Liga Nacional de Billarda (LNB) porque, por primeiriza vez na historia, os da tribo do NorOeste fanse nómades e deixan a súa urbana pista da Zapateira, na Coruña, para baixar un pouco no mapa e selar a unión coa nova tribo cercedense.

Os resultados, minuto a minuto e en directo n'O Varal Morse.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: