Vieiros

O máis interesado de que a fuxida chegase mesmo até Ferrol, de volta, era o propio corredor balear, que se tiña desfeito de dous dos corredores que andaban detrás del na clasificación xeral.

Cando o pelotón asumiu que terminar coa escapada era imposíbel, o Super Froiz dinamitou a carreira por detrás para que o ciclista que portaba o maillot amarelo, Federico Pagani, do Diputación de León, non tivese opcións de defender e manter a súa vantaxe.

O esforzo individual de Palou e do equipo pontevedrés tivo recompensa por partida cuádrupla: a xeral individual do mallorquino, a xeral por equipos, a da regularidade a Óscar García (líder após a primeira etapa), e a do mellor galego na xeral pata Óscar Bastos. O equipo que dirixe Evaristo Portela reeditou o triunfo obtido a pasada tempada co neoprofesional Alejandro Paleo. A estratexia impúxose ao final na Volta á Provincia da Coruña.