Edición xeral
China descontenta ao concederlle París o status de 'cidadán honorífico' ao Dalai Lama
As autoridades chinesas afirmaron que o recoñecemento ao líder tibetano no exilio é unha "groseira inxerencia" nos asuntos propios do seu país.
A voceira chinesa de Exteriores, Jiang Yu
A China deu, esta terza feira, conta do seu "forte descontento" en relación á decisión da cidade de París de concederlle ao Dalai Lama o título de "cidadán honorífico", estimando, ao tempo, que este feito é "unha groseira inxerencia" nos asuntos internos chineses.
"A China dá conta da súa enérxica oposición", indicou a voceira do Ministerio de Asuntos Exteriores, Jiang Yu, ao tempo que salientaba que as relacións franco-chinesas quedaban danadas. Yu tamén apelou ás autoridades francesas para que tomen "medidas concretas para salvagardas as relacións bilaterais".
Tensión entre París e Beixín
O Dalai Lama, Premio Nobel da Paz 1989 pola súa dedicación á causa tibetana, é considerado pola China como un líder político que procura a independencia do territorio tibetano, que hai medio século fai parte do territorio administrativo chinés.
A cidade de París decidiu a pasada segunda feira concederlles o título de "cidadáns honoríficos" ao Dalai Lama (a pedido do alcalde da capital francesa, Bertrand Delanoe) e ao disidente chinés Hu Jia (a pedido d'Os Verdes), recentemente condenado a tres anos e medio de prisión na China. O recoñecemento produciuse no contexto da recente tensión entre París e Beixín após o fracaso do paso do facho olímpico pola capital francesa.
Comentarios (5)
O que ten que facer China é pedir a independencia do país vasco en Francia, e a de Córsega...
Hai moita hipocrisía co caso do Tibet. A ninguén lles importa un carallo, pero agora está de moda foder a China.
Entón por que lle deron a sede olímpica, ou seica o do Tibet apareceu agora?
Os nobres que a revolución francesa axustizou na guillotina eran uns santiños comparados co Dalai Lama e os seus secuaces. Vaia campaña de manipulación.
#1 : Entón por que lle deron a sede olímpica, ou seica o do Tibet apareceu agora?
Digo eu que será pra facer mellor propaganda? Cando hai deporte polo medio soben as audiencias e as baixas paixóns, asemade, baixa a capacidade crítica.
Dise que na época de Franco o 1º de maio sempre caía un Barça-Madrid pra que a xente se preocupase do fútbol e non da política. Aquí a estratexia parece un pouco máis sofisticada: ponse o deporte de cebo pra captar a atención e logo preséntase o tema do "probe Dalai Lama". Desta forma, grazas ao deporte, actívase un mecanismo no cerebro polo cal se xera unha reacción paixoal a prol da independencia do Tibet e contra China igual ao do siareiro do madrid que se caga nos independentistas vascos, catalás e galegos "polo ben de España".
Tamén fixeran algo así con Moscú. Coido que lle fixera boikot até China.
Seica Hollywood ten preparada a súa próxima película: Os xogos Olímpicos, ofinal, celébranse na China e o Tibet acada a independencia grazas a intervención, mobilización e democratización ao estilo wenster americán and James Bond collaboration. Entrañable e emotiva é escea final na que o Dalai Lama gaña a medalla de ouro no salto con pértiga.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto