Vieiros

O presidente da RFEF, Angel María Villar (xunto cos presidentes do Atlético de Madrid, Enrique Cerezo, do Real Madrid, Ramón Calderón e o seleccionador español, Luis Aragonés) estivo presente na presentación da XIII edición do torneo internacional de fútbol-7 de Arousa (que se desenvolveu na Cidade do Fútbol das Rozas, en Madrid), que este ano apunta alto.

Entre o 6 e o 8 de xuño Arousa hase encher de nenos, de 11 e 12 anos, repartidos en 24 equipos de 24 clubes (11 deles estatais e o resto de fóra) de primeira división.

Entre os asistentes ao acto tamén estiveron, entre outros, José Angel Iribar, en representación do Athletic Club, un dos tradicionais participantes no torneo, ou Fernando Hierro, Director deportivo da RFEF.

O ano pasado o título foise para Francia, após unha xusta vitoria do PSG sobre o Inter de Milán, nunha final que se resolveu dende o punto de penalti. Este ano imos agardar a ver o papel dos equipos galegos.

Vai, a seguir, a listaxe de equipos participantes:

• Paris Saint Germain (Francia)
• Real Madrid
• Inter de Milán (Italia)
• Sevilla FC
• Borussia Dortmund (Alemania)
• Valencia CF
• Sporting de Lisboa (Portugal)
• Atlético de Madrid
• Werder Bremen (Alemania)
• RCD Espanyol
• Benfica (Portugal)
• Athletic Club
• CA Boca Juniors (Argentina)
• Getafe CF
• Racing de Santander
• Real Valladolid
• RC Celta
• Villarreal CF
• CA Osasuna
• Arousa SC
• SD Villestro (vén da fase previa)
• EFL Calvo Sanz (vén da fase previa)
• ACD A Seca (vén da fase previa)
• Pabellón CF (vén da fase previa)