Vieiros

Vieiros de meu Perfil


Edición xeral

RSS de Edición xeral
A DISCUTIDA FIGURA DO REI

A Fiscalía abre dilixencias contra un alcalde que lle chamou “corrupto” e “crápula” ao monarca

O rexedor da localidade andaluza de Puerto Real, José Antonio Barroso (IU), négase a rectificar as declaracións que fixo nun acto público.

Redacción - 19:35 24/04/2008

O alcalde da localidade andaluza de Puerto Real, José Antonio Barroso, non tivo reparos en dicir publicamente o que pensa sobre o monarca español, Juan Carlos de Borbón. O rexedor, que milita en Izquierda Unida, aproveitou unha homenaxe á Segunda República para dicir que o rei era un “corrupto” e un “crápula”. A Fiscalía de Cádiz decidiu abrir dilixencias para determinar se o rexedor “incorreu en delito”.

Barroso sinalou no acto público que “O Borbón é fillo dun crápula. O Borbón de condición desprezábel, o presente, non é menos desprezábel do que foi o seu pai. Afecto ao golpe de estado, desprezado polo tirano, a quen lle pediu reiteradamente que o deixase entrar no exército faccioso”. O alcalde tamén se referiu á impunidade que lle dá a Constitución española ao xefe do Estado. Como exemplo sinalou que se o rei atropella a unha moza e esta morre no accidente “quedaría sen castigo como resultado, por exemplo, dun feito que ten que ver posibelmente coa súa habitual vinculación etílica”.

Este mesmo xoves, en declaracións a diferentes medios, o alcalde mantivo as súas críticas: “A monarquía non é ningún modelo nin ningún espello para mirarse. Calquera político, co seu entorno empersarial, tería cavado a súa propia tumba”.


3.75/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: