Vieiros

Vieiros de meu Perfil


Lusofonía

Xestionado por Vieiros
RSS de Lusofonía
Datos sobre crecemento económico

A Comisión Europea alerta das previsións á baixa da economía portuguesa

Está previsto que o crecemento baixe en 2008 do 2 ao 1,7 por cento con respecto ao ano anterior. Para o 2009 prevese a perda dunha décima máis.

Redacción - 11:30 29/04/2008

A Comisión Europea prevé un menor crecemento da economía portuguesa durante o 2008, pasando do 2 ao 1,7 por cento, o mesmo valor estimado para a Zona Euro. O déficit público verase agravado, segundo os informes da CE, pola baixada do IVE até o 20 por cento, medida que entrará en vigor a partir de xullo deste ano.

Dende Bruxelas revelaron que as expectativas de expansión da economía portuguesa están sendo coartadas polas dificultades económicas que enfronta Europa. A previsión de crecemento, situada no 1,7 por cento, sitúase bastante por debaixo do crecemento do 2,2 por cento que actualmente agarda o goberno luso. Para 2009, a Comisión estima que Portugal medre tan só o 1,6 por cento, en contraposición coa previsión de expansión do 2,1 por cento que se calculou en febreiro deste ano.

O Executivo europeo estima tamén que a inflación nos Quince chegue en 2008 até o 3,2 por cento, superando os 2,1 rexistrados en 2007. Aínda así, prevese un descenso até o 2,2 por cento no vindeiro ano, impulsado pola suba dos prezos do petróleo e da alimentación.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: