Vieiros

O atentado tivo lugar nun mercado da cidade de Baladrouz a 30 quilómetros ao leste de Baquba, non lonxe de Bagdad. Despois de que unha muller fixese estourar o cinto de explosivos que levaba con ela, e cando os equipos sanitarios e particulares achegáranse ao lugar para socorrer aos feridos, un segundo terrorista suicida provocou unha segunda explosión. Están confirmados máis de trinta mortos, pero varias fontes falan xa de 50, e a cifra podería ser maior.

O ataque coincide co quinto aniversario da declaración realizada por George Bush, dende un portavións, de que a invasión de Iraq saldárase con éxito: "mission accomplished". O mes de abril que rematou onte foi o máis violento en Iraq no último ano, con mil civís mortos e 49 soldados estadounidenses falecidos.