Vieiros

Vieiros de meu Perfil


Máis Alá

Xestionado por Vieiros
RSS de Máis Alá
PREMIO DE 3000 EUROS

'Cores' gaña o I Festival Galego de Curtas Sada 2008

O traballo de Mr Misto impúxose ás producións 'Automóbil', de Formatoriginal, e 'Da man da raíña vermella', de Currelo Filmes.

Redacción - 12:08 06/05/2008
Cartaz de 'Cores'

Cartaz de 'Cores'

Cores narra a historia dun particular encontro entre un soldado do bando nacional e outro do republicano durante a Guerra Civil nun lugar indeterminado do monte galego para amosar ao espectador o absurdo dun conflito que non permitiu á poboación máis opcións que alistarse nun dos dous bandos.

Tanto a curta gañadora, como as dúas finalistas, Automóbil, de Formatoriginal, e Da man da raíña vermella, de Currelo Filmes, recibirán 450 euros de premio. Pero ademais, os responsábel de Cores terán tres mil euros para realizar unha curtametraxe inspirada na vila de Sada, que se presentará na vindeira edición do festival, que terá lugar en abril de 2009.

Durante a gala final do festival tamén se fixo entrega de cinco mencións especiais do xurado. A de mellor actriz foi para Belén Constenla pola súa actuación en Rosa dos Ventos; a de mellor actor recau en Xavier Estévez por Automóbil;a de mellor fotografía recolleuna Antón Bugallo por O Cerco; a que distinguiu á mellor música foi para Sergio Pena por Da man da raíña vermella; mentres que Mikel Fuentes e Jairo Iglesias recibiron unha mención especial polo seu guión en Cores.

Adianto de Da man da raíña vermella, finalista no festival


4.2/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: