Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Na que foi a súa mellor actuación como profesional

Gonzalo Rabuñal termina sexto na Volta a Asturias

Os triunfadores da rolda foron todos equipos portugueses (Liberty Seguros e LA Aluminios-MSS), mais cun corredor navarro (Pablo Urtasun) e un aragonés (Ángel Vicioso) como protagonistas.

Redacción - 11:19 08/05/2008

Gonzalo Rabuñal acabou sexto na xeral da Volta a Asturias, na que foi até o momento a súa mellor actuación no campo profesional. O seu equipo, o Karpin Galicia, cubriu outro capítulo notable no calendario de competición 2008.

A rolda asturiana pechouse con triunfos portugueses dos equipos Liberty Seguros e LA Aluminios-MSS, protagonizados polo navarro Pablo Urtasun, gañador da última etapa, e o aragonés Ángel Vicioso, que se levou a xeral.

O equipo apoia a Rabuñal

Na última etapa, o equipo profesional galego apoiou a Rabuñal, situándose á fronte do pelotón para terminar cos apuros que tivera o de Arteixo na saída, ao quedar cortado por outros corredores. Rabuñal cruzou a meta na undécima praza, o que lle permitiu manter na xeral a sexta posición, moi meritoria, tendo en conta que foi conquistada na etapa raíña, con final no alto do Acebo, e que lle abre expectativas deportivas máis amplas.

Ezequiel Mosquera acabou décimo cuarto e David García décimo sexto, ratificando a destacada actuación do KGZ, que finalmente terminou oitavo na clasificación xeral por equipos.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: