Vieiros

Compostela acolle do 14 de maio ao 9 de xuño un simposio no que baixo o título de Língua e Género se realizará unha análise de como nos comportamentos lingüísticos se dan actitudes que son determinadas polo xénero, e de como o machismo dominante determina certas actitudes na lingua.

Organizado polo Conselho de AGAL, este simposio quere chamar a atención sobre o deseño de políticas lingüísticas, que debería ter en conta estas variábeis á hora de facer unha planificación, de xeito que se lle dera unha maior relevancia ao xénero lingüístico.

Nestas xornadas, que terán lugar no Centro Social de Caixa Galicia, Pilar García Negro, Raquel Miragaia, Alexandre Banhos falarán sobre o papel da muller na transmisión da lingua e na socialización lingüística; lingua e xénero, a forma de clarificar o paradigma; e as políticas de xénero aplicadas á formulación lingüística. O simposio rematará o 9 de xuño cunha mesa redonda sobre este tema na que participarán integrantes de colectivos feministas, universitarios e da administración pública.