Vieiros

Vieiros de meu Perfil


Fwwwrando

RSS de Fwwwrando
XORNADA

Ourense convértese no centro da web 2.0

Analízanse todos os aspectos das redes sociais nunha serie de conferencias organizadas por Industria e polas universidades.

Redacción - 13:05 14/05/2008
Logotipo das xornadas

Logotipo das xornadas

As novas posibilidades de interacción e de participación que ofrece a chamada Web 2.0 trátanse este mércores nunha xornada que se desenvolve na Escola de Informática de Ourense. Organizada polas tres universidades e pola Consellaría de Innovación e Industria, ofrecerá unha análise dende as perspectivas da administración pública, o software libre, as empresas, o ensino e a cultura.

A xornada conta cun blog onde se poden deixar comentarios e suxestións dos asistentes para mellorar as intervencións e debates. O programa abriuse coa participación de representantes da Administración e das universidades, e continúa coa análise do desenvolvemento de proxectos de software libre por parte da comunidade e coas experiencias de empresa 2.0, coa intervención dos responsábeis de Weblogs SL, Chuza, Loogic e Microsiervos. Xa, pola tarde, expóñense aplicacións educativas das redes sociais e os escritores Rubén Ruibal, Xerardo Méndez e Manuel Bragado amosan as súas experiencias na blogosfera.

Ipoki en California

Ademais, os responsábeis da rede social baseada en GPS Ipoki, Alberto Andrés e Diego Fernández, presentaron na Where2.0 Conference de O'Reilly, en California (EUA) o seu proxecto. A empresa coruñesa deu a coñecer, ademais, a integración do seu software en diversos servizos web, e as novas aplicacións que crearon para redes sociais como Twitter, Flickr ou Facebook.


3/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: